Flensburg, PAUC og Valur unnu leiki sína í fyrstu umfeðr B-riðils Evrópudeildarinnar í handknattleik í kvöld. Teitur Örn Einarsson og samherjar í Flensburg fengu hressilega mótspyrnu frá spænska liðinu BM Benidorm í Flens-Arena en tókst að vinna, 35:30. Spænska liðið var þremur mörkum yfir að loknum fyrri hálfleik, 19:16.
Valur sækir Benidorm heim eftir viku í annarri umferð keppninnar.
Teitur Örn náði ekki að skora í leiknum í kvöld. Norðmaðurinn Göran Johannesson var markahæstur með sjö mörk og Johannes Golla var ásamt fleirum næstur með fimm mörk. Iván Rodríguez Martínez og Rolandas Bernatonis skoruðu sex mörk hvor fyrir Benedormliðið.
Kristján Örn Kristjánsson, Donni, skoraði fjögur mörk í öruggum sigri PAUC á sænsku meisturunum Ystads, 33:29, í Ystad í kvöld. Donni og samherjar voru með yfirhöndina frá upphafi til enda, m.a. var þriggja marka munur í hálfleik, 17:14.
