Bergischer HC vann í dag annan leikinn í röð í þýsku 1. deildinni í handknattleik eftir að Arnór Þór Gunnarsson tók við starfi þjálfara fyrir um tveimur vikum. Að þessu sinni lagði Bergischer HC liðsmenn HC Erlangen, 28:25, á heimavelli og nálgast þriðja neðsta sætið sem tryggir veru í deildinni á næstu leiktíð.
Bergischer hafði tapaði 12 leikjum í röð þegar þjálfaranum var vikið frá störfum og Arnór Þór munstraður á útgerðina við annan mann. Frá þeim tíma hefur Bergischer lagt liðin tvö sem eru í nágrenninu á stöðutöflunni, Balingen-Weilstetten sem rekur lestina og HC Erlangen sem er í þriðja neðsta sæti, tveimur stigum fyrir ofan Bergischer þegar fjórar umferðir eru eftir. Þjálfara HC Erlangen var sagt upp fyrir tæpri viku.
Næst sækir Bergischer liðsmenn HSV Hamburg heim á fimmtudaginn.
