- Auglýsing -

Bikarleik kvöldsins frestað

Að tilmælum Almannavarna hefur leik Hauka og Selfoss í 32 liða úrslitum Coca-Cola bikars karla í handknattleik sem fram átti að fara í Schenkerhöllinni í kvöld verið frestað um ótiltekinn tíma.

Eins og kom fram í frétt handbolta.is fyrr í dag stefnir allt í að æfingum og keppni í handknattleik verði mjög fljótlega slegið á frest um ótiltekinn tíma vegna stigvaxandi smita kórónuveiru á höfuðborgarsvæðinu.

Líklegt er að viðureign Akureyrarliðanna, Þórs og KA, sem stendur til að fari fram í Coca Cola-bikar karla annað kvöld, fari fram enda allt önnur og skárri staða útbreiðslu kórónuveirunnar norðan heiða. Hinsvegar er ljóst að dómarar leiksins þurfa að koma úr öðrum landshluta. Hvort sú staðreynd setji strik í reikninginn ætti að skýrast á formannafundi HSÍ sem fram fer síðar í dag.

- Auglýsing -
- Auglýsing -

Nýjustu fréttir

- Auglýsing -