Bjarki Már Elísson varð í dag ungverskur bikarmeistari í handknattleik með Telekom Veszprém eftir sigur á Pick Szeged, 33:30, í úrslitaleik sem fram fór í íþróttahöllinni í Tatabánya. Þetta er annað árið í röð sem Bjarki Már verður bikarmeistari með liðinu. Um leið er þetta fjórða árið í röð sem lið félagsins vinnur bikarkeppnina.
Bjarki Már skoraði þrjú mörk í úrslitaleiknum í dag eftir að hafa skoraði fimm mörk í undanúrslitaleiknum við Dabas KC, 38:27, í gær á sama stað.
Þetta er í 30. skipti sem Telekom Veszprém vinnur ungversku bikarkeppnina en bikarinn kom í fyrsta sinn í hús fyrir 40 árum, 1984.
Framundan eru úrslitaleikir Telekom Veszprém og Pick Szeged um meistaratitilinn í Ungverjalandi. Fyrsti leikurinn verður á heimavelli Veszprém á föstudaginn.
