Bjarki Már og félagar er komnir í undanúrslit

Bjarki Már Elísson og félagar í Telekom Veszprém komust í kvöld í undanúrslit ungversku bikarkeppninnar í handknatteik með öruggum sigri á FTC (Ferencváros), 37:29, á heimavelli eftir að hafa verið fjórum mörkum yfir að loknum fyrri hálfleik, 17:13. Veszprém hafði mikla yfirburði framan af og skoraði m.a. 14 af fyrstu 20 mörkum leiksins á 20 fyrstu mínútunum.

Bjarki Már skoraði þrjú mörk í leiknum. Franski línumaðurinn Ludovig Fabregas var markahæstur með átta mörk, Omar skoraði sjö mörk og Vailupau skoraði sex sinnum.

Auk Veszprém eru Pick Szeged komið áfram, einnig NEKA og Dabas sem lagði Tatabánya örugglega, 35:28. Veszprém mætir Dabas í undanúrslitum og Pick Szeged tekur á móti NEKA.