- Auglýsing -
- Auglýsing -
- Auglýsing -

Bjarni Ófeigur flytur heim og semur við KA til þriggja ára

Samsett mynd af KA.
- Auglýsing -

Handknattleiksmaðurinn Bjarni Ófeigur Valdimarsson hefur skrifað undir þriggja ára samning við KA. Frá þessu segir KA í morgun. Bjarni Ófeigur kemur til félagsins frá GWD Minden í Þýskalandi að lokinni eins árs veru hjá félaginu. Áður var Bjarni Ófeigur í hálfa þriðju leiktíð hjá IFK Skövde við afar góðan orðstír og vann m.a. silfurverðlaun í tvígang í úrvalsdeildinni.

Bjarni er 25 ára gamall leikur í stöðu vinstri skyttu og er auk þess afar öflugur varnarmaður.

„Mér líst ótrúlega vel á að fá Bjarna og mjög spenntur að vinna með honum,“ segir Halldór Stefán Haraldsson þjálfari KA í myndskeiðssamtali við heimasíðu KA um þann búhnykk sem KA-liðinu berst með komu Bjarna Ófeigs sem komið hefur nærri íslenska landsliðinu á ferli sínum. Hann var m.a. kallaður inn í hópinn á EM 2022 þegar covid herjaði á landsliðshópinn.

Ávarp frá Bjarna Ófeigi:

Mun falla vel inn í hópinn

„Hann er á besta aldri og getur leikið á báðum endum vallarins sem er mikilvægt. Hann æfir mjög vel og mun örugglega falla mjög vel inn þá vinnu sem við stöndum í. Hann mun líka geta staðið vel við bakið á yngri leikmönnum okkar enda býr Bjarni yfir mikill reynslu úr atvinnumennskunni,“ segir Halldór Stefán ennfremur.

Hefur bullandi trú á KA

„Ég er ótrúlega spenntur að taka slaginn með KA næstu árin þar sem að ég hef bullandi trú á þessu liði og KA sem félagi. Hlakka til að mæta norður og spila í gulu treyjunni, áfram KA!,“ er haft eftir Bjarna Ófeigi á heimasíðu KA.

Áður en Bjarni Ófeigur fór til IFK SKövde haustið 2020 hafði hann leikið með FH og Val í Olísdeildinni en einnig með Selfossi á yngri árum.

- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -