- Auglýsing -
Bjarni Ófeigur Valdimarsson var markahæstur hjá IFK Skövde í kvöld þegar liðið vann IFK Ystad HK í þriðju og síðustu umferð annars riðils sænsku bikarkeppninnar á heimavelli í kvöld, 33:30. Bjarni Ófeigur skoraði sex mörk og var einu sinni vísað af leikvelli en hann þótti standa sig afar vel á báðum hlutum vallarins.
Fyrir leikinn voru bæði lið örugg um sæti í 16-liða úrslitum en 32-liða úrslit sænsku bikarkeppninnar eru leikin í riðlum. Til þess að hægt sé að bjóða upp á óvænt úrslit þá byrja neðri deildarliðin með forgjöf leiki þau gegn liðum í efri deildum. Yfirleitt dragast tvö sterk lið saman í riðil og tvö veikari.
Með Skövde og IFK Ystad HK í riðl eru Amo HK og Anderstorps. Tveimur síðarnefndu liðunum tókst ekki að veita tveimur þeirra fyrrnefndu skráveifu.
- Auglýsing -
