Landsliðsmarkvörðurinn Björgvin Páll Gústavsson er laus úr einangrun og þar með getur hann tekið sæti í íslenska landsliðinu í þegar það mætir Króötum í milliriðlakeppni Evrópmótsins í handknattleik í dag.
Björgvin Páll greindi frá þessum gleðitíðindum á samfélagsmiðlum fyrir nokkrum mínútum með orðunum; „Ég trúi þessu ekki… Ég er laus úr einangrun!“
Björgvin Páll greindist smitaður af covid á síðasta miðvikudag. Sama dag greindist smit hjá Elvari Erni Jónssyni og Ólafur Andrési Guðmundssyni.
Ekki er ljóst þegar þetta er skrifað hvort þeir séu einnig frjálsir ferða sinna innan takmarka þeirra sem landsliðshópurinn býr við í Búdapest.
Viðureign Íslands og Króatíu hefst klukkan 14.30 í dag í MVM Dome í Búdapest.
Samkvæmt reglum mótsins getur leikmaður losnað úr einangrun fyrst eftir fimm daga frá greiningu gegn neikvæðri niðurstöðu úr PCR prófi eða ef CT-gildi er komið yfir í einu jákvæðri skimun.
