- Auglýsing -
- Auglýsing -
- Auglýsing -

Blær úr leik um tíma vegna beinmars

Blær Hinriksson glaður á góðri stund með stuðningsmönnum Aftureldingar eftir sigur í kappleik. Mynd/Eyjólfur Garðarsson
- Auglýsing -

Aftureldingarmaðurinn Blær Hinriksson fékk högg á vinstri fótlegg á dögunum og tekur ekki þátt í næstu leikjum liðsins. Blær studdist við staf að Varmá í gær þegar hann mætti til þess að fylgjast með samherjum sínum eiga við Stjörnuna í 16. umferð Olísdeildar karla. Í stuttu samtali við handbolta.is sagðist Blær vera með beinmar á vinstri fæti.

Eftir því sem næst verður komist eru nokkrir dagar síðan hann meiddist. Engu að síður var Blær með Aftureldingu gegn ÍBV í átta liða úrslitum Powerade-bikarsins um síðustu helgi. Hann tók þó eingöngu vítaköst í leiknum og skoraði sex sinnum.

Blær sagði við handbolta.is eftir leikinn að Varmá í gærkvöld vonast til þess að verða mættur út á leikvöllinn sem fyrst aftur enda mikill keppnismaður. Engu væri þó hægt að slá föstu í þeim efnum.

Víst er að það tekur sinn tíma að jafna sig af beinmari. Gísli Þorgeir Kristjánsson landsliðsmaður og leikmaður SC Magdeburg hefur ekkert leikið handknattleik í rúmar þrjár vikur vegna beinmars í rist í leik við Króata á Evrópumótinu í síðasta mánuði.

Staðan og næstu leikir í Olísdeildum.

- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -