- Auglýsing -
- Auglýsing -

Breytt skipulag og frábær karakter hjá strákunum

Einar Jónsson þjálfari Fram dró ekki af sér við hliðarlínuna í kvöld. Mynd/Raggi Óla

„Útlitið var vissulega ekki gott þegar tólf mínútur voru til leiksloka, satt að segja mjög dökkt en okkur tókst að snúa taflinu við. Menn gáfust ekki upp. Það er karakter í þessu hóp,“ sagði Einar Jónsson þjálfari Fram með sigurbros á vör eftir sigur Fram á Aftureldingu, 30:29, í Olísdeild karla á Varmá í kvöld.


„Planið að halda sem jöfnustum leik og breyta síðan um vörn þegar 10 mínútur voru til leiksloka. Ég sagði það við strákana í hálfleik að um leið og við myndum breyta um vörn þá gætum slegið Aftureldingarmenn út af laginu. Það gekk svo sem eftir en sannarlega var staða okkar verri fyrir lokakaflann en áætlanir gerðu ráð fyrir,” sagði Einar en Framliðið var fimm mörkum undir, 24:19, þegar 13 mínútur voru til leiksloka og Afturelding meira að segja í sókn.


Framarar skiptu yfir í 5/1 vörn á lokakaflanum og þakka það að mestu þau umskipti sem urðu á leiknum í kjölfarið. Þeir slógu vopnin úr höndum leikmanna Aftureldingar og unnu leikinn.


„Breytt skipulag og frábær karakter hjá strákunum skilaði okkur þessum frábæra sigri,” sagði Einar en með sigrinum og stigunum tveimur færðist Fram upp í þriðja sæti Olísdeildarinnar.

Staðan í Olísdeildinni.

- Auglýsing -
- Auglýsing -

Nýjustu fréttir

- Auglýsing -