- Auglýsing -

Búið ykkur undir stórkostlegar fintur og ótrúleg skot

Ómar Ingi Magnússon landsliðsmaður og leikmaður Magdeburg. Mynd/Hafliði Breiðfjörð

Ómar Ingi Magnússon, leikmaður Þýskalandsmeistara SC Magdeburg, er einn sjö leikmanna sem Handknattleikssamband Evrópu (EHF) bendir áhorfendum að beina sjónum sínum að á keppnistímabilinu sem hefst eftir rúma viku.


Minnt er á að leit sé að þeirri vörn sem Ómar Ingi hefur ekki leikið grátt á síðustu tveimur keppnistímabilum eftir að hann gekk til liðs við Magdebug.


Ómar Ingi lék nokkra leiki í Meistaradeildinni með Aalborg fyrir nokkrum árum og vakti athygli. Stakkaskipti hafi átt sér stað eftir að hann gekk til liðs við Magdeburg sumarið 2020. Eftir það haldi Selfyssingnum engin bönd. Stjarnan úr norðri eiga stóran þátt í velgengni Magdeburg í Evrópudeildinni tvö síðustu tímabil en liðið lék til úrslita bæði árin og vann í annað skiptið.


„Búið ykkur undir stórkostlegar fintur og gabbhreyfingar og ótrúleg skot frá honum á þessu tímabili,” segir m.a. í umsögn um Ómar Inga á vef EHF.


Aðrir sem nefndir eru til sögunnar eru Dika Mem leikmaður Barcelona, Alex Dujshebaev leikmaður Kielce, Andreas Palicka markvörður PSG, Sergei Kosorotov leikmaður Wisla Plock, Rodrigo Corrales markvörður Veszprém og Sander Sagosen leikmaður Kiel sem verður vegna meiðsla væntanlega ekki klár í slaginn fyrr en eftir áramót.


Fyrsti leikur Magdeburg í Meistaradeildinni á tímabilinu verður á móti Dinamo Búkarest í Rúmeníu fimmtudaginn 15. september.

- Auglýsing -
- Auglýsing -

Nýjustu fréttir

- Auglýsing -