Byrjuðu á sigri í Kórnum

HK, sem spáð er að standi uppi sem sigurvegari í Grill 66-deild karla í vor vann ungmennalið Selfoss í fyrstu umferð deildarinnar í dag í Kórnum, 27:25, í hörkuleik þar sem á tíðum mátti vart á milli sjá hjá liðunum. Selfoss var einu marki yfir að loknum fyrri hálfleik, 13:12.

Mörk HK: Jóhann Birgir Ingvarsson 7, kristján Ottó Hjálmsson 7, Hjörtur Ingi Halldórsson 5, Karl Tómas Hauksson 3, Sigurður Jefferson Guarino 2, Kristján Pétur Barðason 1, Sigurvin Ármannsson 1, Einar Pétur Pétursson 1.

Mörk Selfoss U: Hannes Höskuldsson 5, Guðjón Baldur Ómarsson 4, Arnór Logi Hákonarson 4, Vilhelm Freyr Steindórsson 3, Grímur Bjarndal Einarsson 2, Haukur Páll Hallgrímsson 2, Gunnar Flosi Grétarsson 2, Tryggvi Þórisson 2, Alexander Hrafnkelsson 1.