- Auglýsing -
- Auglýsing -
- Auglýsing -

Daðey Ásta og Tinna Valgerður færa sig um set

Daðey Ásta Hálfdánsdóttir t.v., Sigurjón Friðbjörn Björnsson þjálfari Gróttu, og Tinna Valgerður Gísladóttir. Mynd/Eyjólfur Garðarsson
- Auglýsing -

Grótta hefur krækt í tvo leikmennn frá Fram til þess að styrkja sveit sína fyrir átökin í Grill 66-deildinni á næsta keppnistímabili. Um er að ræða Daðeyju Ástu Hálfdánsdóttur og Tinnu Valgerði Gísladóttur. Sú síðarnefnda þekkir hvern krók á kima í herbúðum Gróttu eftir að hafa leikið með liði félagsins allt til ársins 2021 að hún skipti yfir til Fram.

Tinna Valgerður og Daðey Ásta hafa skrifað undir tveggja ára samninga hvor.

Tinna Valgerður er fædd árið 2000 og er uppalin í Gróttu. Hún er örvhent og leikur sem skytta og hornamaður. Hún skoraði 38 mörk með Olísdeildarliði Fram í deildinni í vetur sem leið.

Daðey Ásta kemur einnig úr Fram þar sem hún er uppalin. Daðey Ásta er fædd árið 2002 og er fjölhæfur leikmaður. Auk þess er hún afbragðs varnarmaður. Daðey lék bæði með Olísdeildarliði Fram síðastliðinn vetur, þar sem hún gerði 8 mörk, og einnig ungmennaliði Fram í Grill 66-deildinni þar sem hún skoraði 46 mörk.

„Ég er himinlifandi með að Tinna komi til baka til félagsins og að Daðey söðli um og skipti yfir í Gróttu. Báðir leikmennirnir styrkja Gróttuliðið mikið og eru miklir karakterar. Þær smellpassa í liðið og það verður gaman að sjá þær í Gróttubúningnum í haust,“ er haft eftir Sigurjóni Friðbirni Björnssyni leikmanni Gróttu í tilkynningu.

Grótta hafnaði í þriðja sæti í Grill 66-deildinni í vetur. Í umspili um sæti í Olísdeild kvenna tapaði Grótta fyrir ÍR í oddaleik. ÍR lagði í framhaldinu liðsmenn Selfoss í oddaleik og taka sæti í Olísdeild á næstu leiktíð.

- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -