Undanúrslitaleikir Poweradebikars kvenna í handknattleik fara fram í kvöld í Laugardalshöll. Annars vegar mæta ÍR-ingar liði Vals og hinsvegar eigast við Stjarnan og Selfoss.
ÍR-ingar eru í fyrsta sinn í 23 ár í undanúrslitum í bikarkeppninni í kvennaflokki eftir að hafa átt afar gott ár á handknattleiksvellinum undanfarið ár. Valur var á hinn bóginn í undanúrslitum á síðasta ári.
Selfoss, sem ekki hefur tapað leik á keppnistímabilinu, er í undanúrslitum annað árið í röð. Stjarnan á nú lið í fjögurra liða úrslitum bikarkeppni kvenna í fyrsta sinn í fjögur ár.
Sigurlið leikjanna hér fyrir neðan leika til úrslita í Laugardalshöll á laugardaginn.
Poweradebikar kvenna, undanúrslit:
Laugardalshöll: ÍR – Valur, kl. 18.
Laugardalshöll: Stjarnan – Selfoss, kl. 20.15.
- Leikirnir verða sendir út á RÚV2.
