- Auglýsing -

Dagskráin: Stórleikur á Ásvöllum og toppslagur í Grillinu

Hergeir Grímsson og félagar í Selfossleika öðru sinni á rúmum sólarhring í Koprivice. Mynd/Selfoss/SÁ

Einn leikur verður í Olísdeild karla í handknattleik í kvöld og tvær viðureignir verða í Grill 66-deild karla. Í Schenkerhöllinni á Ásvöllum í Hafnarfirði leiða Haukar og Selfoss saman hesta sína. Aðeins munar tveimur stigum á liðunum, Haukum í vil. Þeir hafa 13 stig eftir átta leiki en Selfoss 11. Haukar tylla sér í efsta sæti deildarinnar með sigri. Fari Selfoss-liðið með sigur úr býtum fer það upp að hlið Hauka og Aftureldingar með 13 stig, stigi á eftir FH sem trónir á toppnum.

Í Grill 66-deild karla taka Víkingar á móti ungmennaliði Vals í Víkinni klukkan 19.30. Víkingur er í efsta sæti deildarinnar með 16 stig eftir níu leiki en fékk HK upp að hlið sér í gærkvöld þegar HK vann ungmennalið Selfoss örugglega. HK hefur leikið einum leik fleira en Víkingar. Ungmennalið Vals er skammt á eftir með 14 stig svo það verður sannkallaður toppslagur í Víkinni í kvöld.

Ungmennalið Fram tekur síðan á móti Kríu klukkan 20.30 í Framhúsinu. Kría þarf á sigri að halda ætli liðið að vera áfram í hópi liðanna í efri hlutanum.

Olísdeild karla:
Schenkerhöllin: Haukar – Selfoss, kl. 19.30.
Staðan í Olísdeild karla.
Grill 66-deild karla:
Víkin: Víkingur – Valur U, kl. 19.30.
Framhús: Fram U – Kría, kl. 20.30.
Staðan í Grill 66-deild karla.

- Auglýsing -
- Auglýsing -

Nýjustu fréttir

- Auglýsing -