- Auglýsing -
- Auglýsing -
- Auglýsing -

Dagskráin: Barátta um hvert stig

Róbert Gunnarsson og leikmenn Gróttu fá Aftureldingu í heimsókn í kvöld. Mynd/Eyjólfur Garðarsson
- Auglýsing -

Spennan í Olísdeild karla fer vaxandi enda fækkar leikjum stöðugt og örlög liðanna í deildinni ráðast innan tíðar. Ekki síst er hvert stigið mikilvægt í botnbaráttunni því ekkert lið, eða leikmenn þess eða þjálfarar, geta hugsað sér að falla úr Olísdeildinni í vor, fremur en síðustu vor. Eftir þriggja vikna hlé frá keppni í Olísdeildinni mæta átta lið til leiks í kvöld og kljást um þau átta stig sem eru í boði.

Uppfært klukkan 12:37: Leik KA og Víkings hefur verið frestað til morguns vegna slæmrar færðar vegna veðurs.

Gróttumenn ætla sér að vera með í úrslitakeppninni. Þeir fá Aftureldingarmenn í heimsókn. Mosfellingar sigla eins og er lygnan sjó í efri hluta Olísdeildar.

Titill við sjónarrönd

FH getur farið langt með að tryggja sér deildarmeistaratitilinn lánist þeim að leggja harðsnúna leikmenn ÍBV í íþróttamiðstöðinni í Vestmannaeyjum.

Þurfa stig í botnbaráttu

HK er í 11. og næst neðsta sæti en aðeins stigi á eftir Víkingi. HK tekur á móti Fram sem átti á brattann að sækja í síðustu leikjum fyrir hléið sem gert var á deildinni um síðustu mánaðamót.

Mikið undir á Selfoss

Loks leiða Selfoss og Stjarnan saman kappa sína í Mýrinniá. Selfoss-liðið fékk byr í segl sín í ólgusjó botnbaráttunnar með sigri á HK föstudaginn 1. mars. Hvort um beggja skauta byr var að ræða eður ei kemur í ljós í kvöld.

Stjörnumenn eru ekki reiðbúnir að leggja árar í bát. Þeir stefna á úrslitakeppnina og mega illa við að tapa stigum ætli þeir að ná markmiði sínu.

Leikir kvöldsins

Olísdeild karla, 19. umferð af 22:
Hertzhöllin: Grótta – Afturelding, kl. 19.30 – handboltapassinn.
Vestmannaeyjar: ÍBV – FH, kl. 19.30 – handboltapassinn.
Kórinn: HK – Fram, kl. 19.30 – handboltapassinn.
Mýrin: Stjarnan – Selfoss, kl. 19.30 – handboltapassin.
KA-heimilið: KA – Víkingur, kl. 18.30 – frestað til morguns.

Staðan og næstu leikir í Olísdeildum.

- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -