Lokaumferð Grill 66-deild karla í handknattleik karla fer fram í kvöld. Tvö lið keppast um deildarmeistaratitilinn, HK og Víkingur. Hvort lið hefur 30 stig. HK stendur betur að vígi í innbyrðis leikjum og verður þar með deildarmeistari verði liðin enn jöfn að stigum eftir leikina í kvöld.
Deildarmeistararnir taka sæti í Olísdeildinni á næsta keppnistímabili en næstu fjögur lið þar á eftir fara í umspil um keppnisrétt í Olísdeildinni. Hægt er að slá föstudag hver þrjú liðanna eru. Þau eru Fjölnir, Kría og Hörður.
Áhugverð staðreynd er að í kvöld mætast ungmennalið Fram og HK í lokaumferðinni. Við stjórnvölin hjá Fram í leiknum verða Guðfinnur Kristmannsson og Sebastian Alexandersson en þeir taka við þjálfun HK í sumar.
Leikir kvöldsins – Grill 66-deild karla, lokaumferð:
Dalhús: Valur U – Fjölnir, kl. 19.30.
Hertzhöllin: Kría – Vængir Júpiters, kl. 19.30.
Schenkerhöllin: Haukar U – Selfoss U, kl. 19.30.
Torfnes: Hörður – Víkingur, kl. 19.30 – sýndur á youtuberás Viðburðastofu Vestfjarða.
Framhús: Fram U – HK, kl. 19.30 – sýndur á Framtv.
