Ellefta umferð Olísdeildar karla í handknattleik hefst í kvöld með tveimur leikjum. Þeir hefjast báðir klukkan 18.30. Annarsvegar sækir efsta lið deildarinnar, FH, liðsmenn KA heim í KA-heimilið og hinsvegar fá Íslandsmeistarar ÍBV heimsókn frá leikmönnum HK. Umferðin heldur áfram á morgun með þremur viðureignum. Sjötti og síðasti leikur 11. umferðar verður háður 18. desember.
Þeir sem ekki eiga þess kost að mæta á leikina geta fylgst með beinum útsendingum í gegnum handboltapassann.
Að elleftu umferð lokinni verður helmingur leikja í Olísdeild karla að baki. Tvær umferðir til viðbótar verða háðar áður en kemur að jólaleyfi og hléi vegna þátttöku landsliðsins á Evrópumeistaramótinu í janúar.
Leikir kvöldsins:
Vestmannaeyjar: ÍBV – HK, kl. 18.30.
KA-heimilið: KA – FH, kl. 18.30.
Staðan og næstu leikir í Olísdeildum.
