- Auglýsing -

Dagskráin: Ekki er slegið slöku við

Arnar Þór Fylkisson, markvörður Þórs, Karolis Stropus. Þeir ásamt öðrum leikmönnum Þórs sækja Fram heim í kvöld. Mynd/Skapti Hallgrímsson, akureyri.net

Leikmenn og þjálfarar liðanna í Olísdeild karla slá ekki slöku við enda þarf að halda vel á spöðunum til þess að hægt verði að ljúka keppni áður en hásumar gengur í garð. Átjánda umferð deildarinnar hefst í kvöld með þremur leikjum og síðan verður haldið áfram að leika annað kvöld.


Eyjamenn sækja Gróttumenn heim í kvöld og Þórsarar koma suður og mæta Fram og freista þess að setja strik í reikning annars Reykjavíkurliðs á skömmum tíma. Loks mæta fallnir ÍR-ingar í TM-höllina og leika gegn lærisveinum Patreks Jóhannessonar í Stjörnunni.


Dauft verður yfir útsendingum frá leikjum kvöldsins. Aðeins einn þeirra er skráður í útsendingu samkvæmt heimasíðu HSÍ, það er leikurinn í Framhúsinu.


Handbolti.is fylgist með leikjum kvöldsins af fremsta megni og gerir þeim skil í leikslok.

Olísdeild karla:
Hertzhöllin: Grótta – ÍBV, kl. 18 – sýndur á Gróttatv.
Framhús – Fram – Þór Ak., kl. 19.30 – sýndur á Framtv.
TM-höllin: Stjarnan – ÍR, kl. 19.30
Staðan í Olísdeild karla.

- Auglýsing -
- Auglýsing -

Nýjustu fréttir

- Auglýsing -