- Auglýsing -
ÍBV og Hörður mætast í síðasta leik riðlakeppni Ragnarsmótsins í handknattleik karla í Sethöllinni á Selfossi klukkan 18.30 í kvöld. ÍBV þarf eitt stig til þess að vinna sinn riðil og leika um fyrsta sætið við Aftureldingu á morgun klukkan 16. Ef Ísafjarðarliðið vinnur þá stokka úrslitin verulega upp í stöðunni í riðlinum en í honum er einnig Fram sem marði Hörð í fyrrakvöld, 27:26.
Leikurinn ÍBV og Harðar er einnig athyglisverður fyrir þær sakir að þau mætast í fyrstu umferð Olísdeildarinnar í Vestmannaeyjum 9. september.
Útsending verður á vegum Selfosstv frá leiknum í kvöld eins og öðrum á Ragnarsmótinu. Selfosstv er að finna á YouTube.
Ókeypis aðgangur er á alla leiki Ragnarsmótsins sem haldið er í 34. sinn.
Úrslit Ragnarsmótsins:
Selfoss – Afturelding 32:34.
Fram – ÍBV 34:41.
Selfoss – KA 32:27.
Fram – Hörður 27:26.
Afturelding – KA 34:30.
Leikið verður til úrslita á Ragnarsmótinu á morgun:
Kl.12: Leikið um 5. sæti.
Kl.14: Leikið um 3. sæti.
Kl.16: Leikið um 1. sæti.
- Auglýsing -
