Undanúrslit Olísdeildar karla í handknattleik hefjast í kvöld, tveimur vikum eftir að átta liða úrslitum lauk. FH og ÍBV ríða á vaðið með leik í Kaplakrika sem hefst klukkan 19. Hin rimma undanúrslita Olísdeildar karla hefst annað kvöld. Afturelding og Haukar eigast við.
FH lagði Selfoss í tveimur leikjum í átta liða úrslitum á sama tíma vann ÍBV liðsmenn Stjörnunnar, einnig í tveimur viðureignum.
Úrslit í leikjum innbyrðisleikjum liðanna í vetur:
30. okótber: ÍBV – FH 28:29.
2. mars: FH – ÍBV 27:24.
Umspilið heldur áfram
Fjölnir og Víkingur mætast í fjórða sinn í kvöld í úrslitum umspils Olísdeildar karla í handknatteik. Fjölnismönnum tókst að vinna þriðja leikinn sem fram fór í Safamýri á mánudaginn og halda þar með vonum sínum um oddaleik lifandi. Þeir eru undir í vinningum talið, með einn en Víkingar hafa tvo.
Vinni Víkingar leikinn í kvöld fara þeir með sigur úr býtum í rimmunni og öðlast sæti Olísdeild karla á næstu leiktíð. Ef Fjölnir vinnur í Dalhúsum í kvöld verður oddaleikur í Safamýri á sunnudaginn klukkan 14.
Leikir kvöldsins
Olísdeild karla, undanúrslit, fyrsti leikur:
Kaplakriki: FH – ÍBV, kl. 19 – sýndur á Stöð2sport.
Umspil Olísdeildar karla, fjórði leikur:
Dalhús: Fjölnir – Víkingur (1:2), kl 19.30.
Handbolti.is verður með textalýsingu.
Útsending hjá Fjölni gegn vægu gjaldi: https://play.spiideo.com/games/ef28c6fc-05b8-4258-936e-5fb02dc86107?fbclid=IwAR2a4zmZ_KtZMEaqoQSuv1MAId1ldPRGs3GMxMsWAPE2MYNQ_kcEtj_Cwtg
