Leikmenn Grill 66-deildar karla í handknattleik verða í eldlínunni í kvöld þegar fjórir síðustu leikir 14. umferðar fara fram. Umferðin hófst í gær með heimsókn ungmennaliðs Selfoss í Dalshús þar sem leikmenn Vængja Júpiters reyndu að verja vígi sitt en lánaðist ekki.
Í kvöld taka Víkingar á móti Fjölni en Víkingar standa í hörðum slag við HK-inga um efsta sæti deildarinnar. Á sama tíma sækja leikmenn HK liðsmenn Kríu heim í Hertzhöllinn á Seltjarnarnesi. Ungmennalið Hauka leggur land undir fót og fer vestur á Ísafjörð og spreytir sig gegn leikmönnum Harðar. Ungmennalið Reykjavíkurliðanna, Fram og Vals, reyna með sér í Safamýri.
Í annað sinn í vetur verður Stöð2Sport með beina útsendingu frá leik í Grill 66-deildinni. Þeir verða með myndavélar sína í Hertzhöllinni á Seltjarnarnesi.
Grill 66-deild karla:
Víkin: Víkingur – Fjölnir, kl. 19.30 – sýndur á Víkingurtv.
Hertzhöllin: Kría – HK, kl. 19.30, sýndur á Stöð2Sport.
Torfnes: Hörður – Haukar U, kl. 20.
Framhús: Fram U – Valur U, kl. 20.40.
Staðan í Grill 66-deild karla.
