Eftir hlé frá 17. nóvember vegna heimsmeistaramóts kvenna, jóla og áramóta verður þráðurinn tekinn upp í Olísdeild kvenna í dag með heilli umferð, fjórum leikjum. Leikmenn liðanna klæjar í fingur og tær eftir að komast út á völlinn aftur. Til viðbótar fer einnig fram einn leikur í Grill 66-deild kvenna. Leikmenn Fjölnis fara austur á Selfoss og sækja efsta lið deildarinnar, Selfoss, heim í Sethöllina klukkan 14.
Dagurinn í Olísdeildinni hefst með heimsókn Íslandsmeistara Vals til spútnikliðs ÍR í Skógarsel klukkan 13.30. Eftir það rekur hver leikurinn annan. Afturelding mætir ÍBV að Varmá. Stjarnan tekur á móti KA/Þór áður en efsta lið deildarinnar, Haukar, leikur við Fram.
Alla leikina er hægt að horfa á í gegnum Handboltapassann sem nú kominn í toppstand og kostar einungis 1.290 kr á mánuði í áskrift. Auk þess verður viðureign Hauka og Fram send út á aðalrás Símans.
Leikir dagsins
Olísdeild kvenna , 11. umferð:
Skógarsel: ÍR – Valur, kl. 13.30.
Varmá: Afturelding – ÍBV, kl. 16.
Mýrin: Stjarnan – KA/Þór, kl. 16.15.
Ásvellir: Haukar – Fram, kl. 17 – sýndur á aðalrás Símans.
Alla leikina er hægt að horfa á í gegnum Handboltapassann.
Staðan í Olísdeild kvenna.
Grill 66-deild kvenna:
Sethöllin: Selfoss – Fjölnir, kl. 14.
Leikinn er hægt að horfa í gegnum Handboltapassann.
Staðan og næstu leikir í Grill 66-deild kvenna.
Vináttuleikur karla í Austurríki
Vínarborg: Austurríki – Ísland, kl. 17.10 – sýndur á RÚV.
Einnig verður textalýsing á handbolti.is.