Fjórða umferð Grill 66-deild karla í handknattleik heldur áfram í dag með fjórum leikjum. Umferðin hófst í gær með viðureign ÍR og Fjölnis í Skógarseli. Fjölnir vann stórsigur, 37:27, og tyllti sér þar með í efsta sætið.
Mikið verður um dýrðir í Kaplakrika í Hafnarfirði í kvöld þegar karlalið FH leikur sinn 99. Evrópuleik. Andstæðingurinn verður serbneska liðið RK Partizan. Flautað verður til leiks klukkan 18.30. Um er að ræða fyrri viðureign liðanna í 32-liða úrslitum Evrópubikarkeppninnar. Síðari leikurinn fer fram í Belgrad eftir viku. Rétt er að hvetja handknattleiksáhugafólk til þess að fjölmenna í Krikann og styðja við bakið á FH-ingum.
Leikir dagsins
Grill 66-deild karla:
Safamýri: Víkingur U – KA U, kl. 14.
Kórinn: HK U – Þór, kl. 14.
Ísafjörður: Hörður – Fram U. kl. 16.
Staðan og næstu leikir í Grill 66-deildum.
Leikir Grill 66-deildanna verða sendir út í sjónvarpi Símans.
Evrópubikarkeppni karla, 3. umferð, fyrri leikur:
Kaplakriki: FH – RK Partizan, kl. 18.30.
