Úrslitakeppni Olísdeildar kvenna í handknattleik hefst í dag. Liðin sem höfnuðu í þriðja til sjötta sæti ríða á vaðið en þau tvö sem höfnuðu í tveimur efstu sætum deildarinnar, deildarmeistarar KA/Þórs og Fram sitja hjá í fyrstu umferð. Þau mæta til leiks í undanúrslitum.
Flautað verður til leiks í Vestmannaeyjum klukkan 13.30 með viðureign ÍBV og Stjörnunnar. Liðin höfnuðu í fjórða og fimmta sæti Olísdeildarinnar. Klukkan 15 hefst leikur Vals og Hauka í Origohöllinni á Hlíðarenda. Vinna þarf tvo leiki til þess að vinna sér sæti í annarri umferð úrslitakeppninnar en þá mæta KA/Þór og Fram til leiks.
Einnig verður leikið í Olísdeild karla í dag. KA sækir Aftureldingu heim kl. 16 á Varmá. Leikurinn er úr 17. umferð en var frestað í landsleikjavikunni um mánaðarmótin síðustu.
Olísdeild kvenna – 1. umferð úrslitakeppni, fyrstu leikir:
Vestmannaeyjar: ÍBV – Stjarnan, kl. 13.30 – sýndur á Stöð2Sport.
Origohöllin: Valur – Haukar, kl. 15 – sýndur á Stöð2Sport.
Olísdeild karla:
Varmá: Afturelding – KA, kl. 16 – sýndur á Aftureldingtv.
Staðan í Olísdeild karla.
