Einn leikur fer fram í Olísdeild kvenna í kvöld. Í íþróttamiðstöðinni í Vestmannaeyjum mætast ÍBV og Haukar klukkan 18.30. Viðureign liðanna var frestað í febrúar vegna veðurs og færðar. Að leiknum loknum verða tvær umferðir eftir, átta leikir, af deildarkeppninni. Tvær síðustu umferðirnar verða leiknar tvo næstu laugardaga.
Haukar eru í þriðja sæti deildarinnar með 28 stig og fer upp fyrir Fram með sigri eða jafntefli. ÍBV er í fjórða sæti og hafnar í því sæti hvernig sem þrír síðustu leikir liðsins fara.
Auk leiksins í Olísdeildinni er stefnt á að ungmennalið KA og Vals mætist upp úr klukkan átján í KA-heimilinu. Viðureignin er einn liður í Grill 66-deild karla
Leikir kvöldsins
Olísdeild kvenna:
Vestm.eyjar: ÍBV – Haukar, kl. 18.30 – handboltapassinn.
Staðan og næstu leikir í Olísdeildum.
Grill 66-deild karla:
KA-heimilið: KA U – Valur U, kl. 18.15 – handboltapassinn.
Staðan og næstu leikir í Grill 66-deildum.
