- Auglýsing -
- Auglýsing -
- Auglýsing -

Dagskráin: Hver hreppir annað sæti og hvaða lið fellur?

Annað hvort Afturelding eða KA/Þór fellur úr Olísdeild kvenna eftir síðustu umferð deildarinnar í dag. Mynd/Egill Bjarni Friðjónsson
- Auglýsing -

Síðasta umferð Olísdeildar kvenna fer fram í dag með fjórum viðureignum. Valur er fyrir nokkru orðinn deildarmeistari og fékk sigurlaun sín afhent fyrir viku á heimavelli. Engu að síður ríkir víða eftirvænting fyrir leikjum lokaumferðarinnar.

Allir leikir Olísdeildar kvenna hefjast klukkan 17.30. Hægt verður að fylgjast með framvindu þeirra í handboltapassanum ef fólk kemst ekki á leikstaði.

Hver hreppir annað sæti?

Fram og Haukar eru jöfn að stigum í öðru og þriðja sæti. Liðið sem hafnar í öðru sæti situr yfir ásamt Val í fyrstu umferð úrslitakeppninnar sem hefst 12. apríl. Liðið sem verður í þriðja sæti leikur við Stjörnuna í fyrstu umferð úrslitakeppninnar.

Ekkert fær því breytt að sjötta sætið kemur í hlut Garðarbæjarliðsins. Einnig er víst að ÍBV og ÍR enda í fjórða og fimmta sæti og að þau eigist við í úrslitakeppninni.

Hver fellur?

KA/Þór rekur lestina með sjö stig, er stigi á eftir Aftureldingu. Bæði lið eiga erfiða leiki fyrir höndum. KA/Þór sækir Fram heim í Lambhagahöllina í Úlfarsárdal. Á sama tíma leikur Afturelding við deildarmeistara Vals að Varmá.

Færð á vegum

Vonir standa til þess að hægt verði að ljúka 19. umferð Olísdeildar karla í kvöld með viðureign KA og Víkings í KA-heimilinu kl. 17.30. Leiknum varð að fresta í gær vegna ófærðar og veðurs.

Eftir því sem best er vitað stendur yfir mokstur á þjóðvegum norðan lands og vestra svo að Víkingar eiga að komast norður og leikmenn KA/Þórs eigi greiða leið suður í Úlfarsárdal.

Fjórir leikir fara einnig fram í dag í næst síðustu umferð Grill 66-deild karla. Færð setur vonandi ekki strik í reikning þeirra leikja en bæði ÍR-ingar og ungmennalið Fram eiga að vera mætt til leiks á Akureyri klukkan 15.

Leikir dagsins

Olísdeild kvenna:
Lambhagahöllin: Fram – KA/Þór, kl. 17.30 – handboltapassinn.
Ásvellir: Haukar – ÍR, kl. 17.30 – handboltapassinn.
Varmá: Afturelding – Valur, kl. 17.30 – handboltapassinn.
TM-höllin: Stjarnan – ÍBV, kl. 17.30 – handboltapassinn.

Staðan í Olísdeildum.

Olísdeild karla:
KA-heimilið: KA – Víkingur, kl. 17.30 – handboltapassinn.

Grill 66-deild karla:
N1-höllin: Valur U – Fjölnir, kl. 15 – handboltapassinn.
Höllin Ak.: Þór – Fram U, kl. 15 – handboltapassinn.
KA-heimilið: KA U – ÍR, kl. 15 – handboltapassinn.
Kórinn: HK U – Víkingur, kl. 15 – handboltapassinn.

Staðan og næstu leikir í Grill 66-deildum.

- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -