Í dag er röðin komin að oddaleik Stjörnunnar og KA/Þórs í fyrstu umferð úrslitakeppni Olísdeildar kvenna í handknattleik. Viðureignin fer fram í TM-höllinni í Garðabæ og hefst klukkan 16. Leikið verður til þrautar, þ.e. ef staðan verður jöfn eftir hefðbundnar 60 mínútur verður framlengt. Jafntefli er ekki tekið gilt fremur en í öðrum leikjum úrslitakeppninnar.
Sigurliðið í leiknum í TM-höllinni mætir Val í undanúrslitum Íslandsmótsins. Þegar liggur fyrir að ÍBV og Haukar mætast í hinni viðureign undanúrslita.
Stjarnan vann fyrstu viðureignina við KA/Þór á mándaginn í TM-höllinni, 24:19, eftir að hafa verið betra liðið í leiknum í síðari hálfleik.
Leikmenn KA/Þórs sýndu allar sínar bestu hliðar á heimavelli sínum, KA-heimilinu, á fimmtudaginn. Leikmenn Stjörnunnar fengu ekki við neitt ráðið og fór heim með 16 marka tap á bakinu, 34:18.
Úrslitakeppni Olísdeildar kvenna, 1. hluti, oddaleikur:
TM-höllin: Stjarnan – KA/Þór, kl. 16 – sýndur á Stöð2sport.
2. deild karla:
Kórinn: HKU U – Grótta U, kl 13.
Staðan í 2. deild karla.
