- Auglýsing -
Til stendur að einn leikur fari fram í Olísdeild karla í handknattleik í dag. Nýliðar Harðar eiga að sækja Eyjamenn heim í íþróttamiðstöðina í Vestmannaeyjum. Vonir standa til þess að leikurinn hefjist klukkan 16. Ákveðið var í gær að fresta leiknum um tvær stundir vegna óhagstæðrar ölduspár.
Fram til þessa hefur ÍBV unnið einn leik af þremur í Olísdeildinni á leiktíðinni, 43:28, gegn ÍR og gert tvö jafntefli, 35:35, við KA og 31:31 í leik við Selfoss á fimmtudagskvöldið síðasta í Sethöll þeirra Selfyssinga. Takist ÍBV að vinna leikinn við Hörð í dag fara Eyjamenn upp að hlið Fram í öðru til þriðja sæti deildarinnar.
Harðarmenn bíða enn eftir sínu fyrsta stigi. Þeir töpuðu fyrir Val í fyrsta leiknum í deildinni, 38:28. Næst á eftir beið Hörður lægri hlut fyrir KA á heimavelli, 31:27. Á fimmtudaginn sótti Hörður liðsmenn ÍR heim og töpuðu með eins marks mun, 35:34, eftir að hafa átt á brattann að sækja lengst af.
Olísdeild karla, 1. umferð:
Vestmannaeyjar: ÍBV – Hörður, kl. 16 – sýndur á ÍBVtv.
Staðan og næstu leikir í Olísdeild karla.
Handbolti.is fylgist með leiknum í Vestmannaeyjum.
- Auglýsing -
