- Auglýsing -
Þriðja umferð undanúrslita Olísdeildar kvenna í handknattleik fer fram í kvöld. Báðir leikirnir verða á höfuðborgarsvæðinu og annarri rimmunni gæti lokið. Fram stendur afar vel að vígi í keppni við ÍBV um sæti í úrslitum. Liðið hefur tvo vinninga en ÍBV er án sigurs og verður að vinna í Framhúsinu í kvöld til þess að slá sumarfríi á frest. Flautað verður til leiks í Framhúsinu klukkan 19.40.
Meiri spenna er sem stendur í hinni rimmu undanúrslita þar sem bikarmeistarar Vals og Íslandsmeistarar KA/Þórs eigast við. Hvort lið hefur einn vinning. Eftir tvo hörkuleiki til þessa er næsta víst að hvorugt liðið mun gefast upp fyrr en í fulla hnefana í Origohöllinni í kvöld í leik sem hefst klukkan 18.
Undanúrslit Olísdeildar kvenna, 3. leikur:
Origohöllin: Valur – KA/Þór (1:1), kl. 18 – sýndur á Stöð2sport.
Framhús: Fram – ÍBV (2:0), kl. 19.40 – sýndur á Stöð2sport.
- Auglýsing -
