Átta liða úrslitum Olísdeildar karla í handknattleik verður framhaldið í dag með tveimur viðureignum. Valur sækir Fram heim í Lambhagahöllina klukkan 14 og tveimur stundum síðar eigast við Stjarnan og Afturelding í Mýrinni í Garðabæ.
Valur og Afturelding unnu í fyrstu umferð og fara áfram í undanúrslit takist þeim að vinna viðureignirnar í dag. Ef Stjarnan og Fram vinna kemur til oddaleikja á þriðjudagskvöld.
Viðureign Aftureldingar og Stjörnunnar var jöfn og spennandi á síðustu mínútunum. Stjörnumenn fengu tækifæri til þess að jafna metin á síðustu sekúndum en Jovan Kukobat markvörður Aftureldingar kom í veg fyrir framlengingu.
Leikirnir verða sendir út á handboltapassanum.
Olísdeild karla, 8-liða úrslit, 2. umferð:
Lambhagahöllin: Fram – Valur (0:1), kl. 14.
Hekluhöllin: Stjarnan – Afturelding (0:1), kl. 16.
Sjá einnig:
Umspil Olís kvenna: leikjadagskrá og úrslit
Umspil Olís karla: leikjadagskrá og úrslit
Olís kvenna: Úrslitakeppni, leikjadagskrá
Olís karla: Leikjadagskrá, úrslitakeppni