- Auglýsing -
Einn leikur fer fram í Olísdeild karla í handknattleik í kvöld. Lið Selfoss sækir nýliða Harðar heim í íþróttahúsið Torfnesi í Ísafjarðarbæ í síðasta leik 5. umferðar. Flautað verður til leiks klukkan 19.
Leikur liðanna átti að fara fram fyrir 10 dögum en var slegið á frest vegna þess að ekki var fært loftleiðina til Ísafjarðar frá Reykjavík. Að þessu sinni hafa leikmenn Selfoss vaðið fyrir neðan sig, staðráðnir í að brenna sig ekki á sama soðinu tvisvar. Selfossliðið hefur lagt land undir fót og eru farnir af stað landleiðina vestur á Ísafjörð, eftir því sem greint er á Facebooksíðunni, Selfoss handbolti.
Olísdeild karla, 5. umferð:
Torfnes: Hörður – Selfoss, kl. 19.
Leikurinn verður sýndur á YouTube rás Harðar: “Knattspyrnufélagið Hörður“
Textalýsing verður á handbolti.is.
Staðan og næstu leikir í Olísdeild karla.
- Auglýsing -
