- Auglýsing -

Dagskráin: Leikið til þrautar á tvennum vígstöðvum í Hafnarfirði

FH-ingurinn Ásbjörn Friðriksson sækir að vörn ÍBV í einum af leikjum liðanna í vor. Mynd/J.L.Long

Tveir leikir í síðari umferð átta liða úrslita Olísdeildar karla í handknattleik fara fram í kvöld. Báðir leikir verða í Hafnarfirði.

FH-ingar taka á móti ÍBV í Kaplakrika klukkan 18. Fyrri viðureign liðanna í átta liða úrslitum lauk með jafntefli, 31:31, á mánudagskvöldið í Vestmannaeyjum. Spennan er því mikil fyrir leikinn í Kaplakrika í kvöld enda mun liðið sem tapar fara heim. Ef viðureignin endar með jafntefli mun liðið sem skorað hefur fleiri mörk á útivelli fara áfram.

Leikmenn Aftureldingar eiga á brattann að sækja. Þeir heimsækja deildarmeistara Hauka heim í Schenkerhöllina klukkan 19.40. Haukar unnu með tíu marka mun, 35:25, í Mosfellsbæ á mánudagskvöldið.


Leikir kvöldsins, 8-liða úrslit Olísdeildar karla, síðari viðureignir:
Kaplakriki: FH – ÍBV (31:31), kl 18 – sýndur á Stöð 2 Sport.
Schenkerhöllin: Haukar – Afturelding (35:25) – sýndur á Stöð 2 Sport.

- Auglýsing -
- Auglýsing -

Nýjustu fréttir

- Auglýsing -