Tveir leikir fara fram í dag í Grill 66-deildum karla og kvenna. Harðarmenn á Ísafirði mæta í KA-heimilið upp úr hádeginu og fást þar við ungmennalið KA. Flautað verður til leiks klukkan 13.
Klukkan 16 hefst síðasti leikurinn í bili í Grill 66-deild kvenna. Þá tekur neðsta lið deildarinnar, Berserkir, á móti efsta liðinu, Selfossi, í Víkinni. Að leik loknum tekur við hlé í deildinni fram til 1. desember. Reyndar tognar meira úr leikjahléinu hjá Selfossliðinu þar sem það hefur einn leikmann innan sinna raða, Perlu Ruth Albertsdóttur, sem leikur með íslenska landsliðinu á heimsmeistaramótinu sem hefst í lok þessa mánaðar og stendur yfir fram eftir desembermánuði.
Leikir dagsins
Grill 66-deild karla:
KA-heimilið: KA U – Hörður, kl. 13.
Staðan og næstu leikir í Grill 66-deildum.
Grill 66-deild kvenna:
Víkin: Berserkir – Selfoss, kl. 16.
