Önnur umferð Olísdeildar kvenna í handknattleik hófst í gærkvöld þegar KA/Þór sótti Íslandsmeistara Vals heim í Origohöllina. Í dag verða háðir þrír síðustu leikir umferðarinnar í Vestmannaeyjum, Úlfarsárdal og í Mosfellsbæ.
ÍBV og Haukar mætast í Vestmannaeyjum. Bæði lið unnu andstæðinga sína í fyrstu umferð. ÍBV lagði KA/Þór fyrir norðan nokkuð örugglega, 29:20. Haukar lögðu Stjörnuna í hörkuleik í Garðabæ, 28:26.
Nýliðar ÍR, sem lögðu hina nýliðana, Aftureldingu, 31:26, í Skógarseli í fyrstu umferð fyrir viku sækja Fram heim í Úlfarsárdal klukkan 14. Framliðið beið lægri hlut fyrir Val í heimsókn til Íslandsmeistaranna í fyrstu umferð deildarinnar.
Loks mætast í dag að Varmá, Afturelding og Stjarnan klukkan 16.30.
Leikir dagsins – Olísdeild kvenna
Vestmannaeyjar: ÍBV – Haukar, kl. 14.
Úlfarsárdalur: Fram – ÍR, kl. 14.
Varmá: Afturelding – Stjarnan, kl. 16.30.
Leikjadagskrá og staðan í Olísdeildum.
Leikirnir verða í beinni útsendingu á handboltarásum Símans.
