Ragnarsmótið í handknattleik kvenna hefst í Sethöllinni á Selfoss í kvöld með tveimur leikjum en fjögur lið eru skráð til leiks, Afturelding, Selfoss, Stjarnan og Íslandsmeistarar Vals. Flautað verður til leiks klukkan 18 í kvöld. Önnur umferð mótsins fer fram á miðvikudaginn áður en þriðja og síðasta umferðin verður leikin á fimmtudaginn.
Dagskrá Ragnarsmóts kvenna
14. ágúst – mánudagur:
Kl. 18: Stjarnan – Afturelding.
Kl. 20: Selfoss – Valur.
16. ágúst – miðvikudagur:
Kl. 18: Stjarnan – Valur.
Kl. 20: Selfoss – Afturelding.
17. ágúst – fimmtudagur:
Kl. 18: Stjarnan – Selfoss.
Kl. 20: Afturelding – Valur.
Haldið í 35. skipti
Ragnarsmótið fer nú fram í 35. skipti til minningar um Ragnar Hjálmtýsson. Að vanda eru frír aðgangur á leikina. Einnig verða útsendingar frá öllum leikjum hjá Selfoss TV, segir í tilkynningu handknattleiksdeildar Selfoss. Selfoss TV er að finna á youtube.
Ragnarsmótið í karlaflokki hefst eftir viku.
