Reykjavíkurfélögin Fram og Valur hefja rimmu sína um Íslandsmeistaratitilinn í handknattleik kvenna í Framhúsinu í kvöld. Flautað verður til leiks klukkan 19.30.
Bæði lið komu inn í aðra umferð úrslitakeppninnar, þ.e. í undanúrslit eftir að hafa hreppt tvö efstu sæti Olísdeildarinnar. Fram lagði ÍBV á afar sannfærandi hátt með þremur vinningum gegn engum í undanúrslitum. Viðureignir Vals og ríkjandi Íslandsmeistara, KA/Þórs, voru jafnari en svo fór að Valur hafði betur með þremur vinningum gegn einum.
Fram og Valur hafa mæst fimm sinnum á keppnistímabili. Valur hefur unnið þrisvar sinnum en Fram í tvígang. Úrslitin eru hér fyrir neðan:
Olísdeild kvenna:
6. nóvember: Fram – Valur 24:25.
24. febrúar: Valur – Fram 25:24.
9. apríl: Fram – Valur 24:17.
Coca Cola-bikarinn 2021 – undanúrslit:
30. september: Valur – Fram 19:22.
Coca Cola-bikarinn 2022 – úrslitaleikur:
12. mars: Fram – Valur 19:25.
Olísdeild kvenna, fyrsti úrslitaleikur kvenna:
Framhús: Fram – Valur, kl. 19.30 – sýndur á Stöð2Sport.
Leikjadagskrá úrslitaleikja Olísdeildar kvenna er að finna hér.
