- Auglýsing -

Dagskráin: Síðari orrustan í Vestmannaeyjum

Erlingur Richardsson þjálfari ÍBV t.v. og Magnús Stefánsson, aðstoðarþjálfari hafa í mörg horn að líta í Prag um helgina. Mynd/ÍBV

Karlalið ÍBV í handknattleik mætir ísraelska liðinu Holon HC öðru sinni í fyrstu umferð Evrópubikarkeppninnar í Vestmannaeyjum klukkan 16 í dag. Fyrri viðureign liðanna fór fram í íþróttamiðstöðinni í Eyjum í gær. ÍBV fór með sigur af hólmi, 41:35, eftir að hafa verið tveimur mörkum yfir í hálfleik, 20:18. Rúnar Kárason átti stórleik og skoraði 10 mörk, öll með þrumuskotum.


Samanlagður sigurvegari leikjanna tveggja tekur sæti í annarri umferð keppninnar og mætir Donbas Donetsk frá Úkraínu í lok október og í byrjun nóvember.



Leikurinn í Vestmannaeyjum í dag hefst klukkan 16. Þeir sem ekki hafa tök á mæta í íþróttamiðstöðina í Vestmannaeyjum geta fylgst með leiknum í streymi á ÍBVtv eða í textalýsingu á handbolti.is.


- Auglýsing -
- Auglýsing -

Nýjustu fréttir

- Auglýsing -