Síðari rimman í undanúrslitum Íslandsmóts karla í handknattleik, Olísdeildinni, hefst í kvöld þegar Afturelding og Haukar mætast að Varmá í Mosfellsbæ. Flautað verður til leiks klukkan 19.30. Næsti leikur verður á Ásvöllum á mánudagskvöld.
Liðin mættust tvisvar í Olísdeildinni í vetur. Í bæði skiptin var um hnífjafna og spennandi leiki að ræða. Úrslitin réðust á síðustu sekúndum.
Úrslit í leikjum innbyrðisleikjum liðanna í vetur:
8. október: Haukar – Afturelding 26:27.
20. febrúar: Afturelding – Haukar 24:26.
Afturelding lagði Fram í tveimur leikjum í átta liða úrslitum. Haukar felldu Íslandsmeistara Vals af stalli í tveimur viðureignum. Síðast léku Afturelding og Haukar að kvöldi síðasta vetrardags.
Olísdeild karla, undanúrslit, fyrsti leikur:
Varmá: Afturelding – Haukar, kl. 19.30 – sýndur á Stöð2sport.
Í gær vann ÍBV lið FH, 31:27, í fyrsta leik liðanna í hinni rimmum undanúrslitanna.
Vinna þarf þrjá leiki til þess að leika til úrslitum um Íslandsmeistaratitilinn.
