Hinn árlegi stjörnuleikur í handbolta í Vestmannaeyjum fer fram í kvöld. Flautað verður til leiks klukkan 18 í íþróttamiðstöðinni. Flest besta handknattleiksfólk Vestmannaeyja tekur þátt í leiknum, utan vallar sem innan. Að vanda verður ekkert gefið eftir þótt leikgleðin sé fyrst og fremst við völd.
Aðgangseyrir er 2000 kr og frjáls framlög fyrir 14 ára og yngri. Allur ágóði af leiknum rennur í minningarsjóð Gunnars Karls Haraldssonar en allar upplýsingar um sjóðinn er að finna hér.
Leikurinn verður í beinni útsendingu á ÍBVTV sem er að finna youtube. Þeir sem fylgjast með beinni útsendingu eru hvattir til þess að leggja sitt af mörkum í minningarsjóð Gunnars Karls.
Stjörnuleikurinn hefur farið fram í Vestmannaeyjum ár hvert um árabil og er orðin fastur liður í marga Eyjamanna, annað hvort að taka þátt eða bregða sér í íþróttamiðstöðina og vera á pöllunum og styrkja um leið gott málefni.
