- Auglýsing -
Einum leik verður skotið inn í dagskrá Olísdeildar karla í handknattleik í kvöld þegar Reykjavíkurfélögin, Valur og Fram, mætast í Origohöll Valsara á Hlíðarenda klukkan 19.30. Um er að ræða leik sem tilheyrir 16. umferð deildarinnar sem fram fer að öðru leyti 19. og 20. febrúar. Á þeim tíma standa Valsmenn væntanlega í ströngu á endaspretti riðlakeppni Evrópudeildarinnar.
Valur tapaði ekki stigi í fjórum fyrstu leikjum sínum í deildinni og situr einn efstur í fyrsta sæti deildarinnar með átta stig. Fram er ásamt ÍBV í öðru til þriðja sæti með sex stig, tvo sigurleiki og tvö jafntefli. Útlit er fyrir spennandi viðureign í Origohöllinni í kvöld.
Olísdeild karla:
Origohöllin: Valur – Fram, kl. 19.30.
Staðan og næstu leikir í Olísdeildunum.
Handbolti.is fylgist með leiknum í textalýsingu.
- Auglýsing -
