Dagskráin: Tekst FH að tylla sér á toppinn?

Einn leikur fer fram í 10. umferð Olísdeildar karla í handknattleik í kvöld. FH-ingar fá Gróttumenn í heimsókn í Kaplakrika klukkan 19.30.

Vegna taps Valsmanna fyrir KA í gær mun FH setjast í efsta sæti Olísdeildar takist liðinu að vinna leikinn í Krikanum í kvöld. Sem stendur er FH einu stigi á eftir Val.

Grótta er í níunda sæti og þarf annað stigið úr leiknum í kvöld til að hrifsa áttunda sætið af Víkingi.

Tveir síðustu leikir 10. umferðar Olísdeildar karla fara fram annað kvöld, föstudag.

Leikur kvöldsins

Olísdeild karla, 10. umferð:

Kaplakriki: FH – Grótta, kl. 19.30.

Staðan og næstu leikir í Olísdeildum.