Hörku handboltakvöld er framundan með leikjum í fjórum deildum Íslandsmótsins. Hæst ber eflaust toppslagur Olísdeildar karla á milli Vals og FH í Origohöllinni sem hefst klukkan 18. Um er að ræða tvö efstu lið deildarinnar.
Valur lagði Gróttu með talsverðum erfiðismunum á þriðjudagskvöld. FH-ingar hafa hinsvegar ekki lagt að baki leik í Olísdeildinni síðan í desember en mæta engu að síður galvaskir til leiks eftir æfingaviku í suðurhöfum í síðasta mánuði.
Ekki verður látið þar við sitja í Origohöllinni í kvöld. Fljótlega eftir að viðureign Vals og FH verður lokið taka leikmenn Vals og Hauka að reyna með sér í upphafsleik 15. umferð Olísdeildar kvenna. Flautað verður til leiks klukkan 20.15.
Ekki verður heldur slegið slöku við í Grill 66-deildum karla og kvenna. M.a. mætir topplið Grill 66-deildar karla, HK, annan föstudaginn í röð til leiks á Akureyri.
Leikir kvöldsins
Olísdeild karla:
Origohöllin: Valur – FH, kl. 18 – sýndur á Stöð2sport.
Olísdeild kvenna:
Origohöllin: Valur – Haukar, kl. 20.15 – sýndur á Stöð2sport.
Grill 66-deild kvenna:
Varmá: Afturelding – Fram U, kl. 17.30 – sýndur á Aftureldingtv.
Grill 66-deild karla:
Sethöllin: Selfoss U – Fjölnir, kl. 19.30.
Safamýri: Víkingur – Kórdrengir, kl. 19.30.
Höllin Ak.: Þór – HK, kl. 19.30.
Ásvellir: Haukar U – Fram U, kl. 20.
Staðan í Grill 66-deildunum.
