Tvö efstu lið Grill 66-deildar kvenna í handknattleik, ÍR og Afturelding, mætast í 11. umferð á heimavelli ÍR-ingar í Skógarseli í kvöld. Flautað verður til leiks klukkan 19.30.
Úrslit leiksins í Skógarseli geta haft veruleg áhrif á hvort liðið fer beint upp í Olísdeildina í vor. ÍR efst og taplaust eftir átta leiki með 17 stig. Afturelding er fjórum stigum á eftir í öðru sæti en á leik til góða á ÍR. Afturelding hefur tapað einni viðureign, gert eitt jafntefli en unnið sex leiki.
Grótta, sem er á meðal efstu liða Grill 66-deildar kvenna, fær Fjölni/Fylki í heimsókn í Hertzhöllin í kvöld. Bæði lið unnu leiki sína um síðustu helgi. Grótta lagði ungmennalið Vals og Fjölnir/Fylkir hafði betur á móti Víkingi í hörkuleik í Dalhúsum.
Ekki má gleyma því að ein viðureign stendur fyrir dyrum í kvöld í Grill 66-deild karla. Ungmenni Vals og Selfoss kljást í Origohöllinni.
Leikir kvöldsins
Grill 66-deild kvenna:
Hertzhöllin: Grótta – Fjölnir/Fylkir, kl. 18.
Skógarsel: ÍR – Afturelding, kl. 19.30.
Grill 66-deild karla:
Origohöllin: Valur U – Selfoss U, kl. 19.30.
Staðan og næstu leikir í Grill 66-deildunum.
