Eftir flóð leikja í Olísdeildum karla og kvenna í gærkvöld beinast kastljósin að Grill 66-deild kvenna og karla í kvöld. Mikil eftirvænting ríkir fyrir viðureign Gróttu og Selfoss í Grill 66-deild kvenna sem fram fer í Hertzhöllinni og hefst klukkan 19.30. Liðin eru talin meðal þeirra líklegri til þess að berjast um efst sæti í vor. Bæði hafa þau farið vel af stað og unnið andstæðinga sína með talsverðum yfirburðum.
Svokallaður tvíhöfði verður á dagskrá í Fjölnishöllinni í Grafarvogi, þ.e. tveir leikir í röð, annar í karlaflokki og hinn í flokki kvenna. Sem sagt handboltaveisla í Fjölnishöllinni í kvöld.
Leikir kvöldsins
Grill 66-deild karla:
Fjölnishöll: Fjölnir – Hörður, kl. 18.
Staðan og næstu leikir í Grill 66-deildum.
Grill 66-deild kvenna:
Hertzhöllin: Grótta – Selfoss, kl. 19.30.
Fjölnishöllin: Fjölnir – Berserkir, kl. 20.
Þau sem ekki komast á leikina í kvöld geta fylgst með þeim á sjónvarpsrásum Símans hvar handboltinn hefur slegið upp heimili.
