Undanúrslit Olísdeildar kvenna í handknattleik hefst í kvöld. Deildar- og bikarmeistarar Vals taka á móti ÍBV á Hlíðarenda klukkan 18. Fljótlega eftir að flautað verður til leiksloka í N1-höll Valsara taka leikmenn Fram og Hauka við keflinu á heimavelli Fram klukkan 19.40.
Umspil á Akureyri
Ofan í leikina tvo í úrslitakeppni Olísdeildar kvenna hefst önnur viðureign Þórs og Fjölnis í umspili Olísdeildar karla í Höllinni á Akureyri. Flautað verður til leiks klukkan 18.30. Búast má við jöfnum og spennandi leik. Fjölnir vann fyrsta leikinn í Fjölnishöllinni á laugardaginn, 30:26, eftir framlengingu.
Mánaðarhlé
Valur og Fram hafa ekki leikið í um mánuð eða síðan keppni í Olísdeildinni lauk. Liðin tvö sátu yfir í fyrstu umferð úrslitakeppninnar. ÍBV vann ÍR í tveimur leikjum í fyrstu umferð úrslitakeppninnar sem lauk í síðustu viku. Á sama tíma lögðu Haukar leikmenn Stjörnunnar, einnig í tveimur viðureignum
Valur og ÍBV léku til úrslita um Íslandsmeistaratitilinn á síðasta keppnistímabili. Valur vann í þremur leikjum.
Leikir kvöldsins
Olísdeild kvenna, undanúrslit, 1. umferð:
N1-höllin: Valur – ÍBV, kl. 18.
Lambhagahöllin: Fram – Haukar, kl. 19.40.
Umspil Olísdeildar karla, úrslit, 2. umferð:
Höllin Ak.: Þór – Fjölnir (0:1), kl. 18.30.
- Leikirnir þrír verða sendir út á handboltapassanum auk þess sem viðureign Fram og Hauka í úrslitakeppni Olísdeildar kvenna verður í opinni dagskrá í sjónvarpi Símans.
Sjá einnig:
Umspil Olís kvenna: leikjadagskrá og úrslit
Umspil Olís karla: leikjadagskrá og úrslit
Olís kvenna: Úrslitakeppni, leikjadagskrá
Olís karla: Leikjadagskrá, úrslitakeppni
