Úrslitakeppni Olísdeildar kvenna í handknattleik hefst í kvöld. Eins og undanfarin ár þá taka liðin sem höfnuðu í þriðja til sjötta sæti þátt í fyrstu umferð úrslitakeppninnar. Tvö þau efstu, deildarmeistarar ÍBV og silfurlið Vals, sitja yfir.
Stjarnan, Fram, Haukar og KA/Þór mæta til leiks í kvöld og keppa um sæti í undanúrslitum þegar ÍBV og Valur mæta til leiks. Vinna þarf tvo leiki í átta liða úrslitum.
Úrslit í innbyrðisleikjum í vetur:
10. desember: KA/Þór – Stjarnan, 21:18.
18. febrúar: Stjarnan – KA/Þór, 19:16.
7. janúar: Haukar – Fram, 18:28.
25. febrúar: Fram – Haukar, 22:14.
Úrslitakeppni Olísdeild kvenna, 1.umferð, 1. leikir:
TM-höllin: Stjarnan – KA/Þór, kl. 18 – sýndur á Stöð2sport.
Úlfarsárdalur: Fram – Haukar, kl. 20 – sýndur á Stöð2sport.
Vinna Fjölnir og Víkingur aftur?
Í kvöld heldur keppni í undanúrslitum umspilsins um sæti í Olísdeild karla. Fyrstu leikirnir fóru fram á föstudaginn. Fjölnir og Víkingur unnu örugglega leiki og vinni liðin aftur í kvöld mætast þau í úrslitaleikjum um sætið eftirsótta í Olísdeildinni á næstu leiktíð. Snúi Þór og Kórdrengir taflinu við í kvöld verða rimmurnar útkljáðar í oddaleikjum á fimmtudaginn.
Umspil um sæti í Olísdeild karla, 1. umferð, 2. leikir:
Höllin Ak.: Þór – Fjölnir, kl. 18 (0:1).
Ásvellir: Kórdrengir – Víkingur, kl. 20.15 (0:1).
2. deild karla:
Varmá: Afturelding U – HK U, kl. 17.45.
Staðan í 2. deild karla og næstu leikir.
