Úrslitakeppni Olísdeildar kvenna hefst í kvöld með tveimur viðureignum sem fram fara í Vestmannaeyjum og á Ásvöllum. Auk þess mætast Þór og Hörður öðru sinni í umspili Olísdeildar karla á Akureyri í kvöld.
ÍR-ingar sækja leikmenn ÍBV heim og verður hafist handa við leik klukkan 20.15. Liðin höfnuðu í fjórða og fimmta sæti Olísdeildar í vetur.
Uppfært: Upphaflega stóð til að leikurinn í Eyjum hæfist klukkan 18. HSÍ ákvað að fresta upphafi leiksins til 20.15 vegna samgagna til Eyja.
Leikmenn Hauka og Stjörnunnar láta það ekkert á sig fá þótt leiknum í Eyjum verði seinkað um ríflega tvær stundir. Flautað verður til leiks á Ásvöllum klukkan 19.40. Haukar hrepptu þriðja sæti Olísdeildar eftir mikið kapphlaup við Fram í síðustu umferðunum. Stjarnan náði á hinn bóginn sjötta sæti.
Úrslit í leikjum liðanna í Olísdeildinnni á leiktíðinni:
9. september: Stjarnan – Haukar, 26:28.
2. nóvember: Haukar – Stjarnan, 25:24.
24. janúar: Stjarnan – Haukar, 21:36.
5. október: ÍR – ÍBV, 27:30.
11. janúar: ÍBV – ÍR, 26:19.
24. febrúar: ÍR – ÍBV, 24:27.
Mikið undir á Akureyri
Hörður hefur einn vinning í rimmu sinni við Þórsara. Takist Þór að vinna á Akureyri í kvöld er liðið komið í úrslit umspilsins og mætir Fjölni. Ef Þór hefur betur að þessu sinni verður að útkljá undanúrslitarimmuna með oddaleik á Ísafirði á mánudaginn.
Endijs Kusners leikmaður Harðar tekur út leikbann í kvöld.
Leikir kvöldsins
Úrslitakeppni Olísdeildar kvenna, 1. umferð:
Ásvellir: Haukar – Stjarnan, kl. 19.40.
Vestmannaeyjar: ÍBV – ÍR, kl. 20.15
Olís kvenna: Úrslitakeppni, leikjadagskrá
Umspil Olísdeildar karla, undanúrslit, 2. leikur:
Höllin Ak.: Þór – Hörður (0:1), kl. 19.30.
Leikjadagskrá umspilsins.
- Leikir kvöldsins verða sendir út í Handboltapassanum.
- Viðureign Hauka og Stjörnunnar verður send út í opinni dagskrá í sjónvarpi Símans.
