- Auglýsing -
Úrslitastund rennur upp í rimmu ÍBV og Stjörnunnar í úrslitakeppni Olísdeildar kvenna í kvöld þegar liðin mætast í oddaleik í íþróttamiðstöðinni í Vestmannaeyjum. Flautað verður til leiks klukkan 19.30. Liðin hafa unnið sinn leikinn hvort á útivelli. Í leikslok í kvöld verða engin grið gefin. Leikmenn annars liðsins halda áfram í undanúrslit og mæta Fram, hinir sitja eftir með sárt ennið.
Leikið verður til þrautar í Vestmannaeyjum ef þörf verður á. Ef jafnt verður eftir hefðbundin leiktíma, 60 mínútur, verður framlengt í tvisvar sinnum fimm mínútur og aftur í annað eins liggi úrslit ekki fyrir. Þrautarlendingin verður sú að efna til vítakeppni ef annað hvort liðið hefur ekki borið sigur úr býtum eftir hefðbundinn leiktíma og tvær framlengingar.
Stjarnan vann fyrstu viðureignina í Vestmannaeyjum á fimmtudaginn, 28:22. ÍBV sneri við blaðinu og vann með níu marka mun í TM-höllinni í Garðabæ á laugardaginn, 33:24.
Úrslitakeppni Olísdeildar kvenna, 1. umferð, oddaleikur:
Vestmannaeyjar: ÍBV – Stjarnan (1:1), kl. 19.30 – sýndur á Stöð2sport.
- Auglýsing -
