Næst síðasta umferð Grill 66-deildar kvenna í handknattleik fer fram í dag með fjórum leikjum. Afturelding er í efsta sæti deildarinnar og takist liðinu að vinna FH í dag verður Afturelding deildarmeistari í Grill 66-deildinni og endurheimtir sæti í Olísdeild kvenna á næstu leiktíð.
ÍR er tveimur stigum á eftir Aftureldingu en stendur höllum fæti í innbyrðis leikjum liðanna á leiktíðinni. Afturelding vann báðar viðureignir.
Síðasta umferð Grill 66-deildar kvenna fer fram sunnudaginn 2. apríl. Umspil um sæti í Olísdeild kvenna hefst eftir páska.
Leikir dagsins
Grill 66-deild kvenna:
Hertzhöllin: Grótta – Víkingur, kl. 16.
Kaplakriki: FH – Afturelding, kl. 16.
Dalhús: Fjölnir/Fylkir – ÍR, kl. 16.
Origohöllin: Valur U – Fram U, kl. 16.
Staðan í Grill 66-deild kvenna.
